ՄԵՐ ԳԻՆԻՆԵՐԸ. 2017 թվականին մենք հիմնեցինք Ոսկեհատ Վինյարդս ընկերությունը, որն արտադրում է Վանանդ յուրահատուկ կարմիր և սպիտակ գինիները (www.vanandwines.com):

ՎԱՆԱՆԴ սպիտակ-ը ներդաշնակ, լիարժեք համով գինի է՝ հաճելի թթվայնությամբ: Պատրաստված է զուտ Ոսկեհատ խաղողի տեսակից։ Ոսկեհատը (Խարջի) Հայաստանում մշակվել է հազարավոր տարիներ։ Այն հաճախ անվանում են «Հայկական խաղողի թագուհի»: ՎԱՆԱՆԴ կարմիրը թավշյա է, հարուստ դաբաղանյութերով՝ Արենի, Կախեթ և Հաղթանակ խաղողից պատրաստված լիարժեք համով գինի։ Այս խաղողի տեսակներից  ստանում են հարուստ և գեղեցիկ կառուցվածքով գինիներ:

Մենք գտնվում ենք Հայաստանի ամենակարևոր գինու կլաստերներից մեկում՝ Արագածոտնի մարզում: Այն նաև ամենամոտն է մայրաքաղաք Երևանին։ Այցելուները կկարողանան համտեսել տեղական լավագույն գինու սորտերից մի քանիսը, ներառյալ Հաղթանակը, Կախեթը, Արենին, Ոսկեհատը, Մուսկատը և այլ: Այս գինիների  արտադրողներից շատերը, ներառյալ Ոսկեվազը, Վան Արդի-ն, ԱրմԱս-ը և Արմենիա Վայն-ը, գտնվում են մեր վայրից 15 կմ շառավղով հեռավորության վրա: Մեր Գինետանը կարող եք համտեսել այս բոլոր գինիները, ինչպես նաև վայելել համեղ ուտեստներ, ակտիվ ժամանց և զիփլայնը. այս ամենը Ամբերդ գետի կիրճի հիասքանչ տեսարանների ֆոնին: